✨ ఓపికగా చదవండి! ✨

సమస్యలను, కష్టాలను ఎలా ఎదుర్కోవాలి? ఎలా ఆనందంగా జీవించాలి? అన్నది రహస్యం కానే కాదు..ప్రపంచానికే ఆదర్శంగా నిలుస్తున్న మన వేదభూమి ఆ జ్ఞానాన్ని మనకు ఎప్పుడో అందించింది. ఇప్పుడు మనం చేయవలసింది.. ఆ మార్గంలో ప్రయాణించడమే!

ఈ భూమిపై మనతో పాటు జీవించే జీవరాశులన్నింటిలో మేధస్సు, విచక్షణ ఉన్నది మనకే( మనిషికే). మన తెలివితేటలతో గ్రహాలకు చేరుకోగలుగుతున్నాం.విశ్వాన్ని శోధించగలుగుతున్నాం. ఎన్నో సైన్స్ ఆవిష్కరణలతో జీవితాన్ని సుఖమయం చేసుకోగలుగుతున్నాం. ఇదంతా నాణానికి ఒక వైపు మాత్రమే.

మరోవైపు నిత్యం ఒత్తిడితో, ఆందోళనలతోనే జీవిస్తున్నాం. అమ్మ కడుపులో ఉన్నప్పటి నుండి నేలతల్లి కడుపులోకి చేరుకొనేంత వరకు నిత్యం సమస్యలతో పోరాడుతూనే ఉన్నాం. దీనికి ఎవ్వరూ మినహాయింపు కాదు. దీనికి ప్రధాన కారణం, మనం అంతరిక్షాన్ని జయించగలుగుతున్నాం, కానీ అంతరంగాన్ని జయించలేకపోతున్నాం. ఆనందం కోసం ఎక్కడెక్కడో వెతుకుతున్నాం, కానీ మన హృదయ లోతుల్లోకి చేరుకోలేక పోతున్నాం.